പെരിന്തൽമണ്ണ : മലപ്പുറം അരിക്കോട് മൂവർ സംഘത്തിന്‍റെ 'പ്ലാൻ' പൊളിച്ച്‌ ഇലക്ഷൻ സ്പെഷ്യല്‍ ഡ്രൈവിന്‍റെ ഭാഗമായി നടന്ന വാഹന പരിശോധന.അരിക്കോട് എക്സൈസ് നടത്തിയ ഇലക്ഷൻ സ്പെഷ്യല്‍ ഡ്രൈവിനിടെ മൂവർ സംഘം വൻ തോതില്‍ മയക്കുമരുന്നുമായാണ് പിടിയിലായത്. ഒരു കിലോയിലധികം ഹാഷിഷ് ഓയിലാണ് ഇവരില്‍ നിന്നും കണ്ടെടുത്തതെന്ന് വാഹന പരിശോധന നടത്തിയ എക്സൈസ് വ്യക്തമാക്കി. കൊണ്ടോട്ടി സ്വദേശികളായ ജാബിർ, അഷ്‌റഫ്‌, പെരിന്തല്‍മണ്ണ സ്വദേശി മജീദ് എന്നിവരാണ് എക്സൈസിന്‍റെ പിടിയിലായത്.
ഹാഷിഷ് ഓയില്‍ കടത്താൻ ഉപയോഗിച്ച വാഹനവും കസ്റ്റഡിയില്‍ എടുത്തു. മലപ്പുറം കോഴിക്കോട് ജില്ലകളില്‍ ഹാഷിഷ് ഓയില്‍ മൊത്തകച്ചവടം ചെയ്യുന്ന സംഘത്തിലെ പ്രധാനികളാണ് പിടിയിലായത്. മയക്കുമരുന്ന് കടത്തില്‍ കൂടുതല്‍ പേർക്ക് പങ്കുണ്ടെന്നാണ് എക്സൈസിന്‍റെ നിഗമനം. ഇലക്ഷൻ സ്പെഷ്യല്‍ ഡ്രൈവിന്‍റെ ഭാഗമായി വരും ദിവസങ്ങളിലും വാഹന പരിശോധന ഊർജ്ജിതമാക്കുമെന്ന് എക്സൈസ് വ്യക്തമാക്കി.
Post a Comment