കാഴ്ച പരിമിതരുടെ സഞ്ചാര വടി, ബോധവൽക്കരണം വേണം

 

🦯 -വി പി എ സിദ്ധീഖ്

വെള്ള വടി:കാഴ്ച പരിമിതരുടെ സഞ്ചാര സ്വാതന്ത്ര്യത്തിന്റെ പ്രതീകം കാഴ്ചയില്ലാത്തവരുടെ ജീവിതത്തിൽ വെള്ള വടിക്ക് (White Cane) ഒഴിച്ചുകൂടാനാവാത്ത പ്രാധാന്യമുണ്ട്. അവരുടെ സഞ്ചാര സ്വാതന്ത്ര്യത്തിന്റെ പ്രതീകമായാണ് ഈ വടി പൊതുസമൂഹത്തിൽ അറിയപ്പെടുന്നത്. കാഴ്ചയില്ലാത്തവരുടെ ജീവിതത്തിലെ ഈ സുപ്രധാന ഉപകരണത്തിന്റെ പ്രാധാന്യം പൊതുസമൂഹത്തെ ഓർമ്മിപ്പിക്കാനും ബോധവത്കരിക്കാനുമാണ് പ്രത്യേക ദിനാചരണങ്ങളിലൂടെ ലക്ഷ്യമിടുന്നത്. വെള്ള വടിയുടെ ചരിത്രം വെള്ള വടിയുടെ ഉപയോഗം ആരംഭിക്കുന്നത് 1921-ൽ ബ്രിസ്റ്റോളിലെ ജെയിംസ് ബിഗ്‌സ് വഴിയാണ്. അദ്ദേഹം ആദ്യമായി ഉപയോഗിച്ചത് മരം കൊണ്ടുള്ള വടിയായിരുന്നു. രണ്ടാം ലോക മഹായുദ്ധത്തിന് ശേഷം, പെൻസിൽവാനിയ ആശുപത്രിയിലെ കാഴ്ച നഷ്ടപ്പെട്ടവരുടെ പുനരധിവാസത്തിന് നേതൃത്വം നൽകിയിരുന്ന ഡോ. റിച്ചാർഡ് ഇ.ഹ്യുവർ ആണ് ഈ ഉപകരണത്തിന് നിർണ്ണായക മാറ്റം വരുത്തിയത്.ഭാരം കുറഞ്ഞ അലുമിനിയം വടികൾ കൂടുതൽ ഉപകാരപ്രദമാണെന്ന് കണ്ടെത്തി അദ്ദേഹം അത് രൂപകൽപ്പന ചെയ്തു.വെള്ള വടി: ഉപയോഗവും പ്രാധാന്യവും പരാശ്രയമില്ലാതെ നടക്കാൻ കാഴ്ചയില്ലാത്തവരെ പ്രാപ്തമാക്കുക എന്നതാണ് വെള്ള വടിയുടെ പ്രധാന ധർമ്മം.വ്യക്തിയുടെ നെഞ്ച് വരെ നീളമുണ്ടാകും ഈ വടികൾക്ക്.മുന്നോട്ട് രണ്ടടി തട്ടിയാണ് നടക്കേണ്ട രീതി. വലത് കാൽ മുന്നോട്ട് വെക്കുമ്പോൾ ഇടത് കാലിന് മുന്നിലും, ഇടത് കാൽ മുന്നോട്ട് വെക്കുമ്പോൾ വലത് ഭാഗത്തും വടി വെക്കണം.വടി കൈയ്യിൽ പിടിക്കുന്ന രീതിയിൽ പോലും ശാസ്ത്രീയതയുണ്ട്: പെരുവിരലും മറ്റ് മൂന്ന് വിരലുകളും കൊണ്ട് ചുറ്റിപ്പിടിച്ച് ചൂണ്ടുവിരൽ വടിയോട് ചേർത്തുപിടിച്ച് നടക്കുമ്പോൾ, പ്രതലത്തിന്റെ വിശദാംശങ്ങൾ വിരലുകളിലേക്ക് വടിയിലൂടെ എത്തും. പ്രത്യേക പരിശീലനം ലഭിച്ചവർക്ക് ഇതിന്റെ ഉപയോഗം വളരെ അനായാസമാക്കാൻ സാധിക്കും.ഒരു സൂചന കൂടിയാണ് വെള്ള വടി.അത് പിടിച്ചുനടക്കുന്നവരെ കണ്ടാൽ കാഴ്ചയില്ലാത്ത ആളാണെന്ന് സമൂഹം തിരിച്ചറിയണം. "ഞങ്ങളെയും നിങ്ങളിലൊരാളായി പരിഗണിക്കൂ" എന്ന ആവശ്യമാണ് ഭിന്നശേഷിക്കാർ പ്രധാനമായും മുന്നോട്ട് വെക്കുന്നത്. തങ്ങൾ പൊതുസമൂഹത്തിന് തുല്യരാണ് എന്ന നിശ്ചയദാർഢ്യത്തിന്റെ പ്രഖ്യാപനം കൂടിയാണ് ഈ വൈറ്റ് കെയ്ൻ അവർക്ക് നൽകുന്ന സ്വാതന്ത്ര്യബോധം.കേരളത്തിലെ വെല്ലുവിളികളും നിയമനടപടികളും കാഴ്ച പരിമിതർക്ക് കേരളത്തിൽ സഞ്ചാര സ്വാതന്ത്ര്യത്തിൽ ഏറെ പ്രതിസന്ധികൾ നേരിടേണ്ടിവരുന്നുണ്ട്.പൊട്ടിപ്പൊളിഞ്ഞ റോഡുകളും നടപ്പാതകളും.അശ്രദ്ധമായി കെട്ടിയ കമ്പികളും തോരണങ്ങളും.പാതയോരങ്ങളിലെ അനധികൃത പാർക്കിംഗുകളും കച്ചവടങ്ങളും. നിയമനടപടികളുടെ അഭാവം.കാഴ്ചയില്ലാത്തവർക്കും മറ്റ് വികലാംഗർക്കും സ്വതന്ത്ര സഞ്ചാരത്തിന് വേണ്ട സൗകര്യങ്ങൾ ആവിഷ്കരിച്ച് നടപ്പാക്കുന്നതിനായി രാജ്യത്ത് 1995-ൽ നിയമം പാസാക്കിയിട്ടുണ്ട്. എന്നാൽ, ഈ നിയമം ഇതുവരെ പൂർണ്ണമായി നടപ്പാക്കപ്പെട്ടിട്ടില്ല.കൂടാതെ, കേരളത്തിൽ 60 ശതമാനം പേരും വെള്ള വടി ഉപയോഗിക്കുന്നില്ല. നീളമുള്ള വടി ഒരു അസൗകര്യമായി കാണുന്നതാണ് ഇതിന് കാരണം. വെള്ള വടിയുടെ ഉപയോഗത്തെയും ഗുണങ്ങളെയും കുറിച്ച് ശരിയായ ബോധവത്കരണം ഇവിടെ നടക്കുന്നില്ല എന്നതും ഒരു വലിയ പോരായ്മയാണ്p.