കാഞ്ഞിരപ്പുഴ : കാഞ്ഞിരപ്പുഴ ഗ്രാമപഞ്ചായത്ത് പ്രദേശത്ത് പ്രവർത്തിക്കുന്ന ഭക്ഷണ വിൽപന ശാലകളിൽ ആരോഗ്യ വകുപ്പും പഞ്ചായത്തും മിന്നൽ പരിശോധന നടത്തി. കുടുംബാരോഗ്യ കേന്ദ്രം ഹെൽത്ത് ഇൻസ്പെക്ടർ സി.എം.രാധാകൃഷ്ണൻ , ജൂനിയർ ഹെൽത്ത് ഇൻസ്പെക്ടർ സി.ബാലകൃഷ്ണൻ , ഗ്രാമ പഞ്ചായത്ത് ക്ലർക്ക് കാർത്തികേയൻ എന്നിവരാണ് പരിശോധന നടത്തിയത്. പഞ്ചായത്ത് ലൈസൻസ് ഇല്ലാതെയും , നിരോധിച്ച പ്ലാസ്റ്റിക് കവറുകൾ വിൽപന നടത്തുകയും, വൃത്തിഹീനമായും പ്രവർത്തിക്കുന്ന സ്ഥാപനങ്ങൾക്കെതിരെ നിയമ നടപടിക്ക് മുന്നോടിയായുള്ള നോട്ടീസ് നൽകി. വരും ദിവസങ്ങളിലും പരിശോധന കർശനമാക്കുമെന്ന് ഹെൽത്ത് ഇൻസ്പെക്ടർ അറിയിച്ചു.
Post a Comment